ЭБЦТС ТӨХК-ийн хэрэглэгчийн цахим систем www.ebedn.mn сайт ашиглалтанд орлоо. Уг систем нэвтэрснээр хэрэглэгчид цахилгаан эрчим хүчний хэрэглээгээ хянах, төлбөр тооцоогоо интернет банк, мобайл банк, виза, мастер картаа ашиглан онлайнаар төлөх, төлбөрийн мэдээллийн дэлгэрэнгүйтэй танилцах, санал хүсэлтээ илэрхийлэх, тоолуурын мэдээлэл, бичилт, заалтаа харах, гэрээний мэдээллээ харах, шинэчлэх зэрэг олон боломжууд нээгдэж байгаа юм. Хэрэглэгч та цахим системийг ашиглахдаа өрхийн тэргүүний овог нэр, регистрийн дугаар, гэрийн хаяг, холбогдох утасны дугаар зөв байгаа эсэхэд хяналт тавьж, зөрүүтэй байгаа тохиолдолд хариуцсан байцаагч, операторууд, борлуулалтын нягтлан бодогч нарт хандан шинэчлүүлэх, www.edc.mn, www.facebook.com/ebedc цахим хуудсуудаар дамжуулан санал сэтгэгдлээ илэрхийлэх, түүнчлэн хэрэглэгчийн код болох 8 оронтой дугаараа мэддэг болох зэргээр бидний ажилд туслалцаа үзүүлэн хамтарч ажиллана уу.

ЭРЧИМ ХҮЧ ХЭМНЭХ ҮНДЭСНИЙ ХӨТӨЛБӨР

Нийтэлсэн: Б.Ганбат Огноо 2017-10-30
ЭРЧИМ ХҮЧ ХЭМНЭХ ҮНДЭСНИЙ ХӨТӨЛБӨР
Монгол Улсын Эрчим хүч хэмнэлтийн тухай хууль, Тогтвортой хөгжлийн үзэл баримтлал–2030, Ногоон хөгжлийн бодлого, Төрөөс эрчим хүчний талаар баримтлах бодлого, Төрөөс аж үйлдвэрийн талаар баримтлах бодлого, Уур амьсгалын өөрчлөлтийн Үндэсний хөтөлбөр зэрэг бодлого, хууль тогтоомжид инноваци, дэвшилтэт техник, технологийг нэвтрүүлэх замаар эрчим хүчний үр ашиг, хэмнэлтийн бодлогыг хэрэгжүүлэхээр заасныг үндэслэл болгож Эрчим хүч хэмнэх үндэсний хөтөлбөрийг боловсруулсан юм.

Энэхүү хөтөлбөр нь эрчим хүч хэмнэх үйл ажиллагааг идэвхжүүлэх, дэмжих, хурдасгахад чиглэсэн зорилго, 18 зорилт бүхий 53 үйл ажиллагааг эрчим хүч, барилга, аж үйлдвэр, тээвэр, нийтийн салбарт хийхээр тусгажээ. Энэхүү Эрчим хүч хэмнэх Үндэсний хөтөлбөр нь 2018-2022 оны хооронд хэрэгжих юм.

Хөтөлбөрт эрчим хүчний хэмнэлттэй, байгаль орчинд сөрөг нөлөө багатай дэвшилтэт техник, технологийг нэвтрүүлэх, түүнийг дагасан норм стандартыг нутагшуулах, хүний нөөцийг бэлтгэх, мэргэшүүлэх, эрчим хүчний үр ашигтай хэрэглээг төлөвшүүлсэн олон нийтийн боловсрол, мэдлэгийг тэлэх үйл ажиллагааг түлхүү хэрэгжүүлж эрчим хүчийг хэмнэх, үр ашигтай хэрэглэх, улмаар олон улсын өмнө хүлээсэн хүлэмжийн хийн ялгарлыг бууруулах үүргийг биелүүлэхэд оруулах хувь нэмрийг нэмэгдүүлэхэд чиглэсэн арга хэмжээнүүдийг хэрэгжүүлэхээр тусгасан.

ШӨНИЙН ТАРИФИЙГ ИРЭХ САРЫН 1-НЭЭС ЭХЛЭН МӨРДӨНӨ

Нийтэлсэн: Б.Ганбат Огноо 2017-10-26
ШӨНИЙН ТАРИФИЙГ ИРЭХ САРЫН 1-НЭЭС ЭХЛЭН МӨРДӨНӨАгаарын бохирдлыг бууруулах чиглэлээр хэрэгжүүлж буй Монгол Улсын Засгийн газрын бодлогын хүрээнд "Гэр хорооллын өрхөд цахилгаан эрчим хүчний тарифын хөнгөлөлт үзүүлэх журам” Монгол Улсын Засгийн газрын 2017 оны 199 дүгээр тогтоол, “Тарифт хөнгөлөлт үзүүлэх тухай” Эрчим хүчний зохицуулах хорооны 2017 оны 203, 204 дүгээр тогтоолуудын дагуу 2017 оны 11-р сарын 1-нээс 2018 оны 4-р сарын 1 хүртэлх хугацаанд Нийслэлийн гэр хорооллын айл өрхийн 21–06 цагийн хооронд хэрэглэсэн цахилгааны тарифийг 100 хувь, түүнээс илүү хэрэглэсэн цахилгааны тарифийг 50 хувь 21 аймгийн төв, 10 мянгаас дээш хүн амтай сум суурин газрын гэр хорооллын айл өрхийн 21–06 цагийн хооронд хэрэглэсэн цахилгааны тарифийн 50 хувийг тус хөнгөлнө.
Уг хөнгөлөлтөд өдөр, шөнийн тарифт тоолууртай, цахилгаан эрчим хүчний өр төлбөргүй айл өрхүүд хамрагдах боломжтой юм.

ЕРӨНХИЙ САЙД У.ХҮРЭЛСҮХ ЭРЧИМ ХҮЧНИЙ САЛБАРЫН ТАЛААР МЭДЭЭЛЭЛ ХИЙЛЭЭ

Нийтэлсэн: Б.Ганбат Огноо 2017-10-23
Монгол Улсын Ерөнхий сайд У.Хүрэлсүх эрчим хүчний салбарын бүтээн байгуулалт, хөрөнгө оруулалтын талаар УИХ-ын чуулганы нэгдсэн хуралдаанд мэдээлэл хийлээ. Мэдээллийг бүрэн эхээр нь хүргэж байна.
ЕРӨНХИЙ САЙД У.ХҮРЭЛСҮХ ЭРЧИМ ХҮЧНИЙ САЛБАРЫН ТАЛААР МЭДЭЭЛЭЛ ХИЙЛЭЭ


Ерөнхий сайд У.Хүрэлсүх эрчим хүчний салбарын талаар мэдээлэл хийлээ
УИХ-ын дарга, эрхэм гишүүд ээ,
УИХ-ын хуралдааны дэгийн тухай хуульд заасны дагуу Засгийн газраас УИХ-ын чуулганы хуралдаанд хийх ээлжит мэдээллийг түлш, эрчим хүчний салбарт хийгдэж байгаа бүтээн байгуулалт, хөрөнгө оруулалтын ажлын талаар мэдээлэл хийхээр бэлтгэж, холбогдох мэдээллийг гишүүд та бүхэнд урьдчилан хүргүүлсэн.


Өмнөх Дараах
Top