ЭБЦТС ТӨХК-ийн хэрэглэгчийн цахим систем www.ebedn.mn сайт ашиглалтанд орлоо. Уг систем нэвтэрснээр хэрэглэгчид цахилгаан эрчим хүчний хэрэглээгээ хянах, төлбөр тооцоогоо интернет банк, мобайл банк, виза, мастер картаа ашиглан онлайнаар төлөх, төлбөрийн мэдээллийн дэлгэрэнгүйтэй танилцах, санал хүсэлтээ илэрхийлэх, тоолуурын мэдээлэл, бичилт, заалтаа харах, гэрээний мэдээллээ харах, шинэчлэх зэрэг олон боломжууд нээгдэж байгаа юм. Хэрэглэгч та цахим системийг ашиглахдаа өрхийн тэргүүний овог нэр, регистрийн дугаар, гэрийн хаяг, холбогдох утасны дугаар зөв байгаа эсэхэд хяналт тавьж, зөрүүтэй байгаа тохиолдолд хариуцсан байцаагч, операторууд, борлуулалтын нягтлан бодогч нарт хандан шинэчлүүлэх, www.edc.mn, www.facebook.com/ebedc цахим хуудсуудаар дамжуулан санал сэтгэгдлээ илэрхийлэх, түүнчлэн хэрэглэгчийн код болох 8 оронтой дугаараа мэддэг болох зэргээр бидний ажилд туслалцаа үзүүлэн хамтарч ажиллана уу.

СОНГОН ШАЛГАРУУЛАЛТЫН ЗАР

Нийтэлсэн: Админ Огноо 2016-12-12
Нэр: Гэрээт харуул,хамгаалалтын үйлчилгээ үзүүлэх байгууллага, аж ахуйн нэгжийг сонгон шалгаруулах

“ЭБЦТС”ТӨХК нь эрх бүхий тендерт оролцогчдоос “Гэрээт харуул, хамгаалалтын үйлчилгээ” үзүүлэх үнийн санал ирүүлэхийг урьж байна. Үнийн саналын хамт дараах материалыг ирүүлнэ. Үүнд:
1. Улсын бүртгэлийн гэрчилгээ/нотариатаар баталгаажуулсан хуулбар/
2. Харуул хамгаалалтын үйл ажиллагаа эрхлэх зөвшөөрөл /нотариатаар баталгаажуулсан хуулбар/
3. Машин, техник, хамгаалах хэрэгслийн судалгаа/тээврийн хэрэгслийн гэрчилгээний нотариатаар баталгаажуулсан хуулбар/
4. Ажиллагсадын анкет
5. Татвар, нийгмийн даатгал, шүүхийн байгууллагуудын тодорхойлолт
6. Гэрээний төсөл
Гүйцэтгэгч байгууллагыг “Төрийн болон орон нутгийн өмчийн хөрөнгөөр бараа,ажил,үйлчилгээ худалдан авах тухай” хуулийн дагуу “Харьцуулалтын арга”-аар сонгоно.
Үнийн саналыг 2016 оны 12-р сарын 16-ны өдрийн 10:00 цагаас өмнө компанийн байрны 106 тоот өрөөнд хүлээн авна.

ТАНЫГ АЖИЛД УРЬЖ БАЙНА

Нийтэлсэн: Админ Огноо 2016-12-12
ЭБЦТС ТӨХК нь Чийрэгжүүлэлтийн арга зүйч, эрүүл ахуйч эмч шалгаруулж ажилд авна



Ажлын байранд тавигдах шаардлага нөхцөл

1. Ерөнхий шаардлага:

Боловсрол - Тусгай дунд - Дээд
Мэргэжил - Бага эмч, эрүүл ахуйч

2. Тусгай шаардлага:

- Ажилдаа хариуцлагатай хандах чадвартай
- Удирдан зохион байгуулах чадвартай
- Үнэнч шударга, идэвхи санаачлагатай
- Харьцааны өндөр соёлтой.
- Спортын зэрэг цолтой бол давуу тал болно.

3. Бүрдүүлэх материал:
1. Ажилд орохыг хүсэгчийн анкет Энд дарж татаж авна уу
2. Сүүлийн 3 сард авахуулсан 3х4 цээж зураг 1%
4. Иргэний үнэмлэхний хуулбар
5. Их дээд сургууль төгссөн дипломын хуулбар
6. Ажиллаж байсан байгууллагын тодорхойлолт

Материалыг 2016 оны 12 дүгээр сарын 19-ний өдөр хүртэл ЭБЦТС ТӨХК-ийн төв байрны 205 тоотод хүлээн авна
ЭБЦТС ТӨХК-ийн Захиргаа Хүний Нөөцийн Хэлтэс. Холбоо барих утас: 70356822

ЦАХИЛГААНААР ХАЛААЛТАА ШИЙДЭХИЙГ ИРГЭДЭД ЗӨВЛӨЖ БАЙНА

Нийтэлсэн: Админ Огноо 2016-11-18
ЦАХИЛГААНААР ХАЛААЛТАА ШИЙДЭХИЙГ ИРГЭДЭД ЗӨВЛӨЖ БАЙНА
Гэр хорооллын иргэдийн цахилгаан халаагуур хэрэглэхийг дэмжиж агаарын бохирдлыг бууруулах зорилгоор өдөр, шөнийн тарифт тоолууртай гэр хорооллын айл өрхүүдийн цахилгааны шөнийн тарифыг 50 хувиар хөнгөлөх шийдвэр хэрэгжиж байна.

Хөнгөлөлтөд төвийн бүсийн нэгдсэн сүлжээний 15 аймгийн 250 мянга гаруй айл өрх хамрагдахаас 30 орчим хувь нь Эрдэнэт Булганы Цахилгаан Түгээх Сүлжээ ТӨХК-ийн хэрэглэгчид байна. Төвийн бүсийн 11 аймгийн 4 аймгийн төв, 114 сум суурингийн иргэдийг цахилгаан эрчим хүчээр хангадаг тус компанийн нийт хэрэглэгчийн тоо 70 мянгыг даваад байгаагаас 55 мянга нь гэр хорооллын бүсэд хамаардаг өрхүүд юм.

2015 – 2016 онд шилжих хүйтний улирлуудад ЭБЦТС ТӨХК-ийн 2708 гэр хорооллын өрх халаагуур ашиглан өвөлжиж 25646.1 мянган төгрөгийн хөнгөлөлт эдэлсэн гэх тооцоо бас гарч байжээ. Энэ тоо 2016 – 2017 онд шилжих өвөл нэмэгдэх хандлагатай байна. Тиймээс ЭБЦТС ТӨХК-аас цахилгаан халаагуураар халаалтаа шийдэж байгаа хэрэглэгчдэдээ хандаж дараах зөвлөгөөг хүргэж байна.