Монгол улсын Ерөнхийлөгчийн 2020 оны 10 дугаар сарын 01-ний өдрийн №123 дугаар зарлигаар эрхэлсэн ажилдаа амжилт гаргаж, хамт олноо хошуучлан олон жил үр бүтээлтэй ажилласан ажилтнуудыг төрийн одон медалиар шагнасан байна. Эрдэнэт Булганы Цахилгаан Түгээх Сүлжээ Төрийн өмчит хувьцаат компаниас:

Хөдөлмөрийн гавъяаны улаан тугийн одонгоор:
- Техникийн бодлогын хэлтсийн Ашиглалтын мастер Зундуйн БАТМАГНАЙ

Алтангаас одонгоор:
- Шуурхай үйлчилгээний монтёр Даваасүрэнгийн АМАРСАЙХАН
- Булган салбарын Ашиглалт засварын мастер Маналжавын АЛТАНХУЯГ
- Архангай салбарын Ашиглалт засварын монтёр Цэдэнгийн ХАТАНБААТАР

Хөдөлмөрийн хүндэт медалиар:
- Өвөрхангай салбарын Хэрэглэгчдэд үйлчлэх төвийн менежер Сүрэнгийн БОЛОРМАА
- Хархорин салбар, Эрдэнэсант сумын техникч Банзрагчийн ЭРДЭНЭБАТ нар тус тус шагнагдсан байна.

Нийт шагнагдсан ажилтнуудаа компанийн Гүйцэтгэх захирал Г.Баярцогт, Түгээх үйл ажиллагаа хариуцсан дэд захирал, Ерөнхий инженер Д.Мөнх-Эрдэнэ, Нийтлэг үйлчилгээ нийгмийн асуудал хариуцсан дэд захирал М.Нуваантая, Санхүү хангах үйл ажиллагаа хариуцсан дэд захирлын үүрэг гүйцэтгэгч Б.Наранцэцэг нар болон хэлтэс албадын дарга, ажилтнууд угтан авлаа. Гүйцэтгэх захирлын 2020 оны 10-р сарын 13-ны өдрийн Б/382 тоот “Урамшуулал олгох тухай” тушаалын дагуу урамшууллыг компанийн Гүйцэтгэх захирал Г.Баярцогт гардуулан өгч баяр хүргэлээ.

Төрийн одон медалиар шагнуулсан нийт ажилтнууддаа ажил хөдөлмөрийн өндөр амжилт, аз жаргал, сайн сайхан бүхнийг хүсэн ерөөе.