|
Үзсэн: 1306, Сэтгэгдэл: 0 |
Монгол Улсын Засгийн газар, МҮХАҮТ хамтран Монгол Улсын ТОП-100 ААН-ийг эрэмбэлж, өргөмжлөх үйл ажиллагааг 19 дэхь жилдээ анх удаа цахим хэлбэрээр зохион байгууллаа. ТОП-100 аж ахуйг эрэмбэлэхдээ Сангийн яам, Гааль болон Татварын ерөнхий газар, НДЕГ, Улсын бүртгэл, Статистикийн үндэсний хороо болон МҮХАҮТ-ын төлөөллүүд хамтарсан Ажлын хэсгийн албан ёсны мэдээ, тайлан, тоон үзүүлэлтэд тулгуурлан ААН-ийн тухайн жилийн орлого, улсын төсөвт оруулсан татвар, нийгмийн даатгал төлсөн ажиллагсдын тоо, ашиг, хөрөнгийн хэмжээ гэсэн үндсэн 5 үзүүлэлтийг чухалчилдаг. Эдгээр үзүүлэлтүүдээр манай компани 61-р байранд шалгарлаа. 2019 оны ТОП-100 ААН-ийн борлуулалтын орлогын хэмжээ өмнөх онтой харьцуулахад 3.4 их наядаар өсч, 34.3 их наяд хүрсэн нь ДНБ-ий 93 хувь, төлсөн татварын хэмжээ өмнөх жилээс 54 хувиар өсч, 6.3 их наяд төгрөгт хүрсэн нь татварын нийт орлогын 65 хувьд хүрсэн үзүүлэлттэй байна. Монгол орныхоо хангай, тал хээр, говийн бүсийн 11 аймгийн 124 сум суурин газрыг хамарсан өргөн уудам нутаг дэвсгэрт улс эх орныхоо хөгжил, цэцэглэлтийн хөдөлгөгч хүч болсон цахилгаан эрчим хүчийг тасралтгүй, найдвартайгаар түгээх борлуулах онцгой хариуцлагатай эрхэм үүргээ нэр төртэй биелүүлэхийн зэрэгцээ олсон амжилтаа улам бататган өмнөө тавьсан зорилгоо амжилттай хэрэгжүүлэхээр итгэл дүүрэн хөдөлмөрлөж 2017, 2018, 2019 оны ТОП-100 аж ахуйн нэгжээр 3-н жил дараалан шалгарсан компанийн нийт хамт олон та бүхэндээ халуун баяр хүргэж цаашдын ажил хөдөлмөрт нь амжилт хүсье.
|
|
|
Үзсэн: 1925, Сэтгэгдэл: 0 |
Компани нийгмийн хариуцлагын хүрээнд ажилтнуудынхаа амьдралын нөхцлийг сайжруулах зорилгоор компанийн үйл ажиллагаанд бодит хувь нэмэр оруулсан Төв компанийн 10, салбаруудын 20 ажилтанд 2020 он 5 дугаар сарын 27-ны өдөр тус бүр 2 000 000 төгрөгийн орон сууцны дэмжлэг олголоо. Компанийн хэмжээнд 2016 оноос 2020 он хүртэл нийт 222 ажилтан орон сууцны дэмжлэгт хамрагдсан байна. Орон сууцны дэмжлэгт хамрагдсан ажилтнуудад хамт олныхоо нэрийн өмнөөс баяр хүргэж, цаашдын ажилд нь амжилт хүсье |
|
|
Үзсэн: 1508, Сэтгэгдэл: 0 |
Татварын Ерөнхий газраас жил бүрийн 5 дугаар сарын 2 дох долоон хоногийг “Татвар төлөгчдийн өдрүүд” болгон тэмдэглэдэг. Энэ өдрүүдэд Татварын байгууллагаас татварын хууль тогтоомжийг сурталчлах, татвар төлөхийн ач холбогдлыг иргэдэд таниулах, татвар төлөгчдөд талархал илэрхийлэх, шилдэг татвар төлөгчдийг шалгаруулах арга хэмжээнүүдийг зохион байгуулж явуулдаг билээ. Энэ удаагийн Татвар төлөгчдийн өдрүүд Орхон аймагт 5 дугаар сарын 4-ний өдрөөс 5 дугаар сарын 9-ний өдрүүдэд зохион байгуулагдаж байна. Манай компани нийгмийн хариуцлагын хүрээнд Татварын хуулиар хүлээсэн үүргээ биелүүлж, татварын ноогдолоо үнэн зөв тодорхойлон тайлагнаж, жил бүр 5,5-6,0 тэрбум төгрөгийн татвар, НДШ-ийг улс болон орон нутгийн төсөвт төвлөрүүлэн ажиллаж, Орхон аймгийн Шилдэг татвар төлөгчөөр шалгарсан байна. Мэдээнд өөрчлөлт оруулсан: Б.Ганбат - 2020-05-7
|
|
|
|
|
|
« 4-р сар 2024 » |
---|
Да | Мя | Лх | Пү | Ба | Бя | Ня |
---|
1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | |
| |
Хэрэгжиж буй төсөл хөтөлбөр
|
Хэрэглэгчийн цахим систем
|
|
Нийт хандалтын тоо:
1104568
Яг одоо сайтыг
хүн сонирхож байна.
| |
|