ЭБЦТС ТӨХК-ийн хэрэглэгчийн цахим систем www.ebedn.mn сайт ашиглалтанд орлоо. Уг систем нэвтэрснээр хэрэглэгчид цахилгаан эрчим хүчний хэрэглээгээ хянах, төлбөр тооцоогоо интернет банк, мобайл банк, виза, мастер картаа ашиглан онлайнаар төлөх, төлбөрийн мэдээллийн дэлгэрэнгүйтэй танилцах, санал хүсэлтээ илэрхийлэх, тоолуурын мэдээлэл, бичилт, заалтаа харах, гэрээний мэдээллээ харах, шинэчлэх зэрэг олон боломжууд нээгдэж байгаа юм. Хэрэглэгч та цахим системийг ашиглахдаа өрхийн тэргүүний овог нэр, регистрийн дугаар, гэрийн хаяг, холбогдох утасны дугаар зөв байгаа эсэхэд хяналт тавьж, зөрүүтэй байгаа тохиолдолд хариуцсан байцаагч, операторууд, борлуулалтын нягтлан бодогч нарт хандан шинэчлүүлэх, www.edc.mn, www.facebook.com/ebedc цахим хуудсуудаар дамжуулан санал сэтгэгдлээ илэрхийлэх, түүнчлэн хэрэглэгчийн код болох 8 оронтой дугаараа мэддэг болох зэргээр бидний ажилд туслалцаа үзүүлэн хамтарч ажиллана уу.

ЦАХИЛГААНЧИН

Нийтэлсэн: Б.Ганбат Огноо 2013-10-2
Ажлын байранд тавигдах шаардлага нөхцөл

1. Ерөнхий шаардлага

Боловсрол - Дээд
Мэргэжил - Цахилгаан
Туршлага- Мэргэжлээрээ 3 дээш жил ажилласан , Цахилгааны ажлын дадлага, туршлагатай, Ажил хариуцах чадвартай, ажлын шаардлагаар илүү цагаар ажиллах боломжтой, тогтвор суурьшилтай ажиллах, багаар ажиллах чадвартай

2. Тусгай шаардлага
-
- Ажилдаа хариуцлагатай хандах чадвартай
- Үнэнч шударга, ажилдаа идэвхи санаачлагатай
- Харьцааны өндөр соёлтой.
- Урлаг спортын авъяастай бол давуу тал болно.

Өргөдлийг 2013 оны 06 дугаар сарын 15-ны өдөр хүртэл бүртгэнэ.
Захиргаа удирдлагын хэлтэс. Холбоо барих утас: 70356822

Шагналын хур буулаа

Нийтэлсэн: Б.Ганбат Огноо 2013-08-30
Эрчим хүчний 91 жилийн ойн баярыг тохиолдуулан Монгол Улсын ерөнхийлөгчийн зарлигаар Хөдөлмөрийн гавъяаны Улаан тугийн одонгоор ЭБЦТС ТӨХК-ийн Гүйцэтгэх захирал Ч.Баттуяа, Эрчим хүчний яамны сайдын 2013 оны 8-р сарын 13-ны өдрийн 108 тоот тушаалаар жолооч С.Хишигбат, шуурхай үйлчилгээний монтёр Ш.Мөнхбаяр, тоолуурын лабораторийн эрхлэгч О.Уранчимэг нар Эрчим хүчний тэргүүний ажилтан цол тэмдгээр, кассын нярав Н.Энхжаргал, борлуулалтын менежер Г.Сайнсанаа нар Эрчим хүчний яамны Жуух бичгээр тус тус шагнагдлаа. Түүнчлэн Орхон аймгийн Хүндэт тэмдэгээр байцаагч монтер Д.Зина, засварын монтёр В.Баярсайхан, Орхон аймгийн ИТХ-ын Хүндэт жуух бичгээр ашиглалтын монтёр З.Ганхуяг, байцаагч монтёр С.Болд нар шагнагдсан байна. ЭБЦТС ТӨХК-ийн Гүйцэтгэх захирлын 2013 оны 8-р сарын 22-ны өдрийн 38 тоот тушаалаар Булган салбарын нягтлан бодогч М.Оюунчимэг, Архангай салбарын жолооч Ж.Эрдэнэбилэг, Өвөрхангай салбарын жолооч Д.Доржбат, байцаагч Д.Норжинсүрэн, Уянга сумын техникч Б.Энхбаатар, Хархорин салбарын дарга Х.Амгаабазар, ахлах инженер Г.Мандахбаяр, байцаагч Т.Хоролсүрэн, Бат-Өлзий сумын байцаагч монтёр Г.Энхбат, дуудлагын монтёр Д.Ганзориг Дэлгэрхааны техникч Э.Өлзийхутаг нарыг ЭБЦТС ТӨХК-ийн Хүндэт тэмдгээр тус тус шагнажээ.
Төр засаг, орон нутаг, компанийн хамт олондоо ажил албаа үнэлүүлэн шагнагдаж, хамт олныхоо бахархал хүндэтгэлийг хүлээсэн дээрх ажилтан ажиллагсаддаа баяр хүргэн, цаашдын үйлс бүтээлд нь өндөр амжилт хүсье.