ЭБЦТС ТӨХК-ийн хэрэглэгчийн цахим систем www.ebedn.mn сайт ашиглалтанд орлоо. Уг систем нэвтэрснээр хэрэглэгчид цахилгаан эрчим хүчний хэрэглээгээ хянах, төлбөр тооцоогоо интернет банк, мобайл банк, виза, мастер картаа ашиглан онлайнаар төлөх, төлбөрийн мэдээллийн дэлгэрэнгүйтэй танилцах, санал хүсэлтээ илэрхийлэх, тоолуурын мэдээлэл, бичилт, заалтаа харах, гэрээний мэдээллээ харах, шинэчлэх зэрэг олон боломжууд нээгдэж байгаа юм. Хэрэглэгч та цахим системийг ашиглахдаа өрхийн тэргүүний овог нэр, регистрийн дугаар, гэрийн хаяг, холбогдох утасны дугаар зөв байгаа эсэхэд хяналт тавьж, зөрүүтэй байгаа тохиолдолд хариуцсан байцаагч, операторууд, борлуулалтын нягтлан бодогч нарт хандан шинэчлүүлэх, www.edc.mn, www.facebook.com/ebedc цахим хуудсуудаар дамжуулан санал сэтгэгдлээ илэрхийлэх, түүнчлэн хэрэглэгчийн код болох 8 оронтой дугаараа мэддэг болох зэргээр бидний ажилд туслалцаа үзүүлэн хамтарч ажиллана уу.

ЭБЦТС ТӨХК-аас хоёр аймгийн начин төрлөө

Нийтэлсэн: Б.Ганбат Огноо 2013-07-11
ЭБЦТС ТӨХК-аас хоёр аймгийн начин төрлөө


Их Монгол Улс байгуулагдсаны 807 жил, Ардын хувьсгалын 92 жилийн ой, Монгол үндэсний их баяр наадамд Булган аймгийн Сэлэнгэ сумын харъяат, тус компанийн хуулийн зөвлөх бөгөөд дотоод хяналтын хэлтсийн дарга М.Нуваантая, Булган аймгийн Сайхан сумын харъяат, тус компанийн санхүү эрхэлсэн захирал Х.Жаргаланбаатар нар одтой сайхан барилдааныг үзүүлэн 5 даван шөвгөрч, аймгийн начин цол хүртлээ.

Гүйцэтгэх захирлын мэндчилгээ

Нийтэлсэн: Б.Ганбат Огноо 2013-07-7
Гүйцэтгэх захирлын мэндчилгээ

Улс орныхоо хөгжил дэвшлийн манлайлагч болсон зууны манлай бүтээн байгуулалтын эзэд Эрдэнэт хотын иргэдээ.
Түмний амьдралд гэрэл гэгээ, халуун дулаан нэмэхээр сэтгэл харамгүй зүтгэж буй эрчим хүчний салбарын үе үеийн ажиллагсад, тэдний гэр бүлийнхэн, ахмад буурлууд аа.
Хүчит бөхчүүдийн эр бяр тэгшрэн, ажнай хурдан хүлгүүдийн уяа сойлго жигдэрч, эрхий мэргэн харваачдын цэц мэргээ хурцлан буй наадмын өмнөх өдрүүд дуусч, монгол түмний минь их баяр цэнгэл хаяанд ирлээ.
Та бүхэнд Монголын тулгар төр байгуулагдсаны 2222 жил, Ардын хувьсгалын 92 жилийн ой, монгол үндэсний их баяр наадмын мэндийг дэвшүүлж, аз жаргал сайн сайхан бүхнийг хүсэн мэндчилье.
Эрдэнэт Булганы Цахилгаан Түгээх Сүлжээ ТӨХК-ийн хамт олон 2013-2014 оны өвөлжилтийн бэлтгэлийг эртнээс хангах, 35/04кВ-ийн шугам тоноглолын ашиглалтын түвшинг сайжруулах, их, дунд, урсгал засварын ажлууд, шинээр өсөн нэмэгдэж буй хэрэглэгчдийн цахилгаан хангамжийн эх үүсвэрийг оновчтойгоор шийдвэрлэн хангах зэрэг олон олон ажил, амжилт бүтээлтэйгээр их баяраа угтлаа.
Мэргэжил зорилго нэгт байгууллага, хамт олондоо олсон амжилт бүтээлээ улам бүр бататгаж, эх орныхоо ирээдүйн хөгжил цэцэглэлтэнд илүү их хувь нэмрээ оруулна гэдэгт итгэл төгс байгаагаа илэрхийлж, хийморь өөдрөг, үйлс бүтэмжтэй, үеийн үед цэцэглэн дэвжихийн өлзийтэй ерөөлийг дэвшүүлж байна.
Дэлгэр монголын наадамдаа дэнж хотойтол сайхан наадаарай.

ЭРДЭНЭТ БУЛГАНЫ ЦАХИЛГААН ТҮГЭЭХ СҮЛЖЭЭ ТӨХК-ИЙН ГҮЙЦЭТГЭХ ЗАХИРАЛ Ч.БАТТУЯА

Өмнөх Дараах
Top