ЭБЦТС ТӨХК нь айл өрхийн цахилгаан эрчим хүчний бичилтийг сар бүрийн 1-8-ний өдрүүдэд, аж ахуйн нэгжийг сар бүрийн 10-15-ний өдрүүдэд хийдэг байсан.
Дэлхийн банкны хөнгөлэлттэй зээлээр санхүүжигдэж буй Эрчим хүчний II төслийн ажлын хүрээнд ЦЭХ-ний Борлуулалтын програм шинэчлэгдэж байгаа тул 2019 оны 8-р сараас эхлэн нийт хэрэглэгчдийг 4 циклд хувааж цахилгаан эрчим хүчний бичилт хийгддэг болсон.
Үүнтэй холбоотойгоор 2019 оны 7-р сард хэрэглэсэн цахилгааны бичилт 4 циклд хуваагдан, сүүлд бичигдсэн хэрэглэгчдийн төлбөр 30-55 хоногийн хэрэглээ бичигдэж байгаа тул цахилгаан эрчим хүчний төлбөр урд саруудаас өндөр гарч байгаа болно. Энэхүү зөрүү нь дараа сараас эхлэн хэвийн байдалд орно.
9-р сараас эхлэн бичилт дараах хуваарийн дагуу орно. Үүнд:
1-р цикл сар бүрийн 1-5-ны өдрүүдэд
2-р цикл сар бүрийн 6-10-ны өдрүүдэд
3-р цикл сар бүрийн 11-15-ны өдрүүдэд
4-р цикл сар бүрийн 16-20-ны өдрүүдэд тус тус цахилгаан эрчим хүчний бичилт хийгдэнэ. Хэрэглэгч та бичилт орсноос хойш 5 хоногийн дотор багтаан төлбөрөө төлнө үү.

“Цахилгаан Дамжуулах Үндэсний Сүлжээ” ТӨХК-ийн Хангайн бүсийн салбар 220/110/35/6 кВ-ын Эрдэнэт дэд станцын 35 кВ-ын II систем шинийн засварын ажил 2019 оны 08 дугаар сарын 30-ны өдрийн 06:00 цагаас 20:00 цагийн хооронд хийгдэх тул дээрх хугацаанд Орхон аймгийн Баян-Өндөр сумын гэр хорооллын хэрэглэгчид буюу Цагаанчулуут, Даваат, Шанд, Ихзалуу, Баянбулаг, Рашаант, Яргуйт, Наран, Булаг, Уртынгол, Эрдэнэ, Дэнж, Говил баг болон Жаргалант сумын бүх албан газар, айл өрхийн хүчдэлийг тасалж цахилгаан эрчим хүчээр хязгаарлах тул хэрэглэгчид та бүхэн урьдчилан сэргийлэх арга хэмжээ авах, ажил үйлчилгээгээ зохицуулах болон бусад холбогдох арга хэмжээг авч хамтарч ажиллахыг хүсье.

ЭБЦТС ТӨХК-ийн Техникийн бодлогын хэлтэс

Шуурхай ажиллагаа, горимын алба