35 кВ-ын Дэнж А, Хороолол цахилгаан дамжуулах агаарын шугамын хүчдэлийг тасалж хэвийн схемд оруулах ажил хийгдэх тул Орхон аймгийн Баян-Өндөр сумын Эрдэнэ, Дэнж, Бүрэнбүст, Уртбулаг, Согоот, Их залуу, Шанд, Булаг, Рашаант, Наран, Яргуйт, Даваат, Уртын гол, Малчин, Цагаан чулуут, Баянбулаг багууд болон Булган аймгийн Бугат сумын хэрэглэгчдийг 2021 оны 09 дүгээр сарын 21-ний 05:00-08:00 цагийн хооронд цахилгаан эрчим хүчээр хязгаарлахыг мэдэгдье.

2021 оны 09 дүгээр сарын 03-ны өдөр Монгол Улсын Эрчим Хүчний дэд сайд М.Баярмагнай, ЭХЯамны Хяналт шинжилгээ, үнэлгээ дотоод аудитын газрын дарга, Компанийн ТУЗ-ийн дарга Х.Бекболат болон албаны бусад хүмүүс ЭБЦТС ТӨХКомпанид ажиллалаа.

Ажиллах хугацаанд компанийн удирдлагууд компанийн товч танилцуулга хийж 2021 оны эхний 8 сарын Их засвар, ТЗБАХ-ний ажлуудын гүйцэтгэл, өвөлжилтийн бэлтгэл ажлын талаар мөн хийгдэж байгаа ажлуудаа танилцууллаа. Уулзалтын явцад Дэд сайдын зүгээс өвөлжилтийн бэлтгэл ажлыг яаралтай дуусгах, Их засвар, ТЗБАХ-ний ажлуудын гүйцэтгэл салбарын дунджаас доогуур байгааг анхаарч цаг хугацаанд нь чанартай хийж дуусгах үүрэг даалгавар өглөө. Ажлын хэсгийнхэн шийдвэрлэх зарим асуудлыг уулзалтын төгсгөлд танилцуулж, бидний цаашдын ажилд амжилт хүслээ.


Мөн энэ өдөр Эрчим хүчний зохицуулах хорооны дарга, доктор, зөвлөх инженер А.Тлейхан уригдан ирж компанийн удирдлагуудад Эрчим хүчний зохицуулах хорооны хөгжлийн стратеги, удирдлага менежментийн арга туршлага сэдвээр сургалт явууллаа.

Мэдээнд өөрчлөлт оруулсан: Б.Ганбат - 2021-09-14