ЭБЦТС ТӨХК-ийн хэрэглэгчийн цахим систем www.ebedn.mn сайт ашиглалтанд орлоо. Уг систем нэвтэрснээр хэрэглэгчид цахилгаан эрчим хүчний хэрэглээгээ хянах, төлбөр тооцоогоо интернет банк, мобайл банк, виза, мастер картаа ашиглан онлайнаар төлөх, төлбөрийн мэдээллийн дэлгэрэнгүйтэй танилцах, санал хүсэлтээ илэрхийлэх, тоолуурын мэдээлэл, бичилт, заалтаа харах, гэрээний мэдээллээ харах, шинэчлэх зэрэг олон боломжууд нээгдэж байгаа юм. Хэрэглэгч та цахим системийг ашиглахдаа өрхийн тэргүүний овог нэр, регистрийн дугаар, гэрийн хаяг, холбогдох утасны дугаар зөв байгаа эсэхэд хяналт тавьж, зөрүүтэй байгаа тохиолдолд хариуцсан байцаагч, операторууд, борлуулалтын нягтлан бодогч нарт хандан шинэчлүүлэх, www.edc.mn, www.facebook.com/ebedc цахим хуудсуудаар дамжуулан санал сэтгэгдлээ илэрхийлэх, түүнчлэн хэрэглэгчийн код болох 8 оронтой дугаараа мэддэг болох зэргээр бидний ажилд туслалцаа үзүүлэн хамтарч ажиллана уу.

Гүйцэтгэх захирлын мэндчилгээ

Нийтэлсэн: Б.Ганбат Огноо 2014-12-31
Гүйцэтгэх захирлын мэндчилгээ
Амжилт бүтээл дүүрэн 2014 оноо үдэж, ирж буй шинэ оноо ирээдүйд тэмүүлсэн өөдрөг үзэл, өрнүүн тэмүүлэлээр угтаж буй харилцагч байгууллагууд, хэрэглэгчид, хамт олон та бүхэндээ шинэ оны халуун мэндчилгээг чин сэтгэлээсээ дэвшүүлье.
Монгол орныхоо 11 аймгийн 114 сум сууринд илч гэрлийг түгээн борлуулж, 74000 гаруй айл өрх, хэрэглэгчдийнхээ ая тухтай амьдралын манаанд зогсож буй манай хамт олон өнгөрч буй онд нийт 966 сая кВтц эрчим хүчийг түгээн борлуулж, 113,2 тэрбум төгрөгийн орлогыг төвлөрүүлж, төлөвлөгөөт алдагдлыг 14,9% буюу 5 пунктээр бууруулсан амжилттайгаар 2015 оноо угтаж байна. Энэхүү амжилт бүтээл нь манай компанийн ажилтан, хэрэглэгч, харилцагч нэг бүрийн хүч хөдөлмөрөөр бүтсэнийг тэмдэглэн хэлэхэд таатай байна.
Ирж буй 2015 он бид бүхний хувьд зорилго, зорилтоо биелvvлсэн, амжилт бvтээлээ ахиулсан он жил байх болно гэдэгт миний бие та бvхний нэгэн адил итгэл төгс байна.
Та бүхэндээ эрүүл энх, сайн сайхан, аз жаргалаар дүүрэн, ажлын амжилтаар арвин байхын ерөөлийг өргөн дэвшүүлье.

Эрдэнэт Булганы Цахилгаан Түгээх Сүлжээ ТӨХК-ийн
Гүйцэтгэх захирал Ч.Баттуяа