ЭБЦТС ТӨХК-ийн хэрэглэгчийн цахим систем www.ebedn.mn сайт ашиглалтанд орлоо. Уг систем нэвтэрснээр хэрэглэгчид цахилгаан эрчим хүчний хэрэглээгээ хянах, төлбөр тооцоогоо интернет банк, мобайл банк, виза, мастер картаа ашиглан онлайнаар төлөх, төлбөрийн мэдээллийн дэлгэрэнгүйтэй танилцах, санал хүсэлтээ илэрхийлэх, тоолуурын мэдээлэл, бичилт, заалтаа харах, гэрээний мэдээллээ харах, шинэчлэх зэрэг олон боломжууд нээгдэж байгаа юм. Хэрэглэгч та цахим системийг ашиглахдаа өрхийн тэргүүний овог нэр, регистрийн дугаар, гэрийн хаяг, холбогдох утасны дугаар зөв байгаа эсэхэд хяналт тавьж, зөрүүтэй байгаа тохиолдолд хариуцсан байцаагч, операторууд, борлуулалтын нягтлан бодогч нарт хандан шинэчлүүлэх, www.edc.mn, www.facebook.com/ebedc цахим хуудсуудаар дамжуулан санал сэтгэгдлээ илэрхийлэх, түүнчлэн хэрэглэгчийн код болох 8 оронтой дугаараа мэддэг болох зэргээр бидний ажилд туслалцаа үзүүлэн хамтарч ажиллана уу.

ТАНЫГ АЖИЛД УРЬЖ БАЙНА

Нийтэлсэн: Б.Ганбат Огноо 2015-11-20
ЭБЦТС ТӨХК нь Булган аймгийн Бугат суманд байцаагч монтёр шалгаруулж ажилд авна
Ажлын байранд тавигдах шаардлага нөхцөл

1. Ерөнхий шаардлага:

Боловсрол - Дээд
Мэргэжил - Цахилгааны инженер
Туршлага - Эрчим хүчний салбарын үйл ажиллагааны технологийн мэддэг, холбогдох хууль дүрэм журмыг сайн мэддэг, хэрэгжүүлэх оюуны чадвартай, дагалдангийн хугацааг бүрэн дуусгаж, холбогдох шалгалтыг өгсөн байна.

2. Тусгай шаардлага:

- Ажилдаа хариуцлагатай хандах чадвартай
- Үнэнч шударга, ажилдаа идэвхи санаачлагатай
- Харьцааны өндөр соёлтой.
- Урлаг спортын авъяастай бол давуу тал болно.

3. Бүрдүүлэх материал:
1. Ажилд орохыг хүсэгчийн анкет Энд дарж татаж авна уу
2. Сүүлийн 3 сард авахуулсан 3х4 цээж зураг 1%
4. Иргэний үнэмлэхний хуулбар
5. Их дээд сургууль төгссөн дипломын хуулбар
6. Ажиллаж байсан байгууллагын тодорхойлолт

Материалыг 2015 оны 11 дүгээр сарын 30-ны өдөр хүртэл ЭБЦТС ТӨХК-ийн төв байрны 205 тоотод хүлээн авна
Захиргаа удирдлагын хэлтэс. Холбоо барих утас: 70356822

ҮНИЙН САНАЛ АВАХ УРИЛГА

Нийтэлсэн: Б.Ганбат Огноо 2015-11-10
“ЭБЦТС” ТӨХК нь эрх бүхий тендерт оролцогчдоос “ЭБЦТС” ТӨХК-ийн хөрөнгийн дахин үнэлгээг хийх" тухай үнийн санал ирүүлэхийг урьж байна.

Үнийн саналыг 2015 оны 11-р сарын 17-ны өдрийн 10 цаг 00 минутаас өмнө Орхон аймаг, Баян-Өндөр сум, Баянцагаан баг, ”ЭБЦТС” ТӨХК-ийн байр, 106 тоот хаягаар ирүүлнэ.
Үнийн саналыг нээлтэд оролцох хүсэлтэй тендерт оролцогчдыг байлцуулан 2015 оны 11-р сарын 17-ны өдрийн 10 цаг 30 минутад нээнэ.
Сонирхсон этгээд тендерийн баримт бичиг болон бусад мэдээллийг доорх хаягаар авч болно.
Орхон аймаг, Баян-Өндөр сум, Баянцагаан баг, ”ЭБЦТС” ТӨХК-ийн байр, 106 тоот өрөө, утас:70350520

ТЕНДЕРИЙН УРИЛГА

Нийтэлсэн: Б.Ганбат Огноо 2015-11-9
Огноо : 2015-11-07
Тендер шалгаруулалтын нэр: r-Крантай өрмийн автомашин
Тендер шалгаруулалтын дугаар: r-ЭБ-2015/09/04

“ЭБЦТС”ТӨХК нь эрх бүхий тендерт оролцогчдоос "r-Крантай өрмийн автомашин"–ыг нийлүүлэх тухай битүүмжилсэн тендер ирүүлэхийг урьж байна.


Тендерийн баримт бичгийг (хүсвэл нэмэлт хувийг) бичгээр хүсэлтээ гаргаж, эргэж төлөгдөхгүй нөхцөлтэйгээр иж бүрдэл бүрийг нь 50000 төгрөгийг “ЭБЦТС” ТӨХК-ийн Төрийн банкны 130400001675 тоот дансанд тушааж, худалдан авч болно. Тендер нь түүнийг нээсэн өдрөөс эхлэн 45 хоногийн дотор хүчинтэй байна.
Тендерт оролцогч нь Санхүүгийн болон туршлагын дараахь шаардлагыг хангасан байна. Үүнд:
Борлуулалтын хэмжээ: Сүүлийн 2 жилийн жил бүрийн борлуулалтын хэмжээ тендерт санал болгож буй үнийн дүнгээс багагүй байх
Аудитаар баталгаажуулсан санхүүгийн тайлан ирүүлэх жилийн тоо: 2013, 2014 он
Сүүлийн гурван жилд хэрэгжүүлсэн ижил төстэй ажлын өртөг: Санал болгож буй үнийн дүнгээс багагүй
Тендерийн хамт 1.800.000 төгрөгийн дүнтэй тендерийн баталгаа ирүүлнэ.

Өмнөх Дараах
Top