Тендерийн баримт бичгийг (хүсвэл нэмэлт хувийг) бичгээр хүсэлтээ гаргаж, эргэж төлөгдөхгүй нөхцөлтэйгээр “ЭБЦТС” ТӨХК-ийн Төрийн банкны 130400001675 дансанд иж бүрдэл бүрийг нь 50000 төгрөг тушааж, худалдан авч болно. Тендер нь түүнийг нээсэн өдрөөс эхлэн 45 хоногийн дотор хүчинтэй байна.

Тендерт оролцогч нь Санхүүгийн болон туршлагын дараахь шаардлагыг хангасан байна. Үүнд:
Борлуулалтын хэмжээ: Жилийн борлуулалтын хэмжээ тендерт санал болгож буй үнийн дүнгийн 30 хувиас багагүй
Түргэн хөрвөх чадвартай болон авах боломжтой зээлийн хэмжээ: Санал болгож буй үнийн дүнгийн 50 хувиас багагүй
Аудитаар баталгаажуулсан санхүүгийн тайлан ирүүлэх жилийн тоо: 2014, 2015 он


Тендерийн хамт үнийн дүнгийн 2 хувьтай тэнцэх төгрөгийн тендерийн баталгаа ирүүлнэ.

Тендерийг 2016 оны 2-р сарын 24-ний өдрийн 09.00 цагаас өмнө доорх хаягаар ирүүлэх ба нээлтэд оролцох хүсэлтэй тендерт оролцогчдыг байлцуулан 2016 оны 02-р сарын 24-ний өдрийн 09. 30 цагт нээнэ.

Монгол улсын гарал үүсэлтэй бараанд давуу эрхийн зөрүү тооцно.

Сонирхсон этгээд тендерийн баримт бичиг болон бусад мэдээллийг доорх хаягаар авч болно.

Орхон аймаг, Баян-Өндөр сум, Баянцагаан баг, ”ЭБЦТС”ТӨХК-ийн байр, 106 тоот өрөө,
Утас: 70350520, Факс: 70352623

Орхон аймгийн волейболын холбооноос зохион байгуулсан Холбооны аварга шалгаруулах насанд хүрэгчдийн тэмцээн 2016 оны 1-р сарын 16-17-ны өдрүүдэд "Ирээдүйн одод" сургууль дээр амжилттай зохион байгуулагдлаа. Тус тэмцээнд эрэгтэй 8, эмэгтэй 5 багийн 100 гаруй тамирчид хурд хүч авхаалж самбаагаа сорин өрсөлдсөнөөс ЭБЦТС ТӨХК-ийн эрэгтэй эмэгтэй баг тамирчид тус тус 2-р байр эзэлсэн амжилт гаргалаа. Багуудын байр эзэлсэн байдлыг жагсаавал:
Эрэгтэй:
I байр - УБҮ, Засвар механикийн завод
II байр - “ЭБЦТС” ТӨХК
III байр - “ЭДЦС” ТӨХК
Эмэгтэй
I байр - УБҮ, Баяжуулах фабрик
II байр - “ЭБЦТС” ТӨХК
III байр - "Эрдэм” ахлах сургууль
Компанийнхаа нэрийг өргөн, тэмцээнд амжилттай оролцсон баг тамирчиддаа баяр хүргэж, спортын өндөр амжилтыг хүсэн ерөөе.

Монгол Улсын Нэмэгдсэн өртгийн албан татварын тухай хуульд өөрчлөлт орж 2016 оны 1-р сарын 1-ний өдрөөс эхлэн НӨАТ шингэсэн бараа бүтээгдэхүүн, үйлчилгээнээс улсад төлөгдөж буй НӨАТ-ын 20 хүртэл хувийн буцаалт авах, сугалаанд оролцох эрх зүйн зохицуулалт бий болсонтой холбогдуулан ЭБЦТС ТӨХК-ийн кассуудаас энэхүү албан ёсны баримт авах боломжийг бүрдүүлэхээр МТА-ны дэргэдэх НӨАТУС-ийн ажлын хэсэгтэй хамтран Борлуулалтын програмыг Татварын ерөнхий газрын нэгдсэн системд холбох, хэрэглэгчдийн бүртгэлийг баталгаажуулах зэрэг ажлууд хийгдэж байна.
Цахилгаан эрчим хүчний төлбөрийг хэрэглэгчдээс дараа сард нь тооцож авдаг тул ЭБЦТС ТӨХК нь 2016 оны нэгдүгээр сард багтаан татвар төлөгч хэрэглэгчдэд төлбөрийн баримтыг хэвлэж өгөх асуудлыг шийдвэрлэнэ. Төлбөрөө Хэрэглэгчдэд үйлчлэх төвүүд болон салбар, хэсгүүдийн касст бэлнээр төлсөн айл өрх, аж ахуй нэгжүүд баримтаа тэндээсээ шууд авах боломжтой болох ба банкинд бэлнээр болон, бэлэн бусаар төлсөн хэрэглэгчид тухайн банкнаасаа баримтыг авах юм.