|
Үзсэн: 2038, Сэтгэгдэл: 0 |
ЭБЦТС ТӨХК нь компанийн нийгмийн хариуцлагын хүрээнд шинэ төрлийн коронавирусын тархалтын үед буюу гамшгаас хамгаалах өндөржүүлсэн бэлэн байдлын хугацаанд айл өрх, аж ахуйн нэгжүүдийн цахилгаан эрчим хүчний ашиглалтын төлбөрт алданги тооцохыг 2020 оны 3-р сараас эхлэн зогсоосон билээ. Гэтэл аж ахуйн нэгж, айл өрхүүд гэрээний үүргээ цаг тухайд нь биелүүлээгүйн улмаас эрчим хүчний өр төлбөр ихсэж, компанийн хэвийн үйл ажиллагааг алдагдуулах, улмаар төвийн бүсийн эрчим хүчний системийн хэвийн ажиллагаа алдагдахад хүрч болзошгүй байгаа тул "Эрчим хүчний тухай хууль"-ийн 31.3, Тусгай зөвшөөрөл эзэмшигч, хэрэглэгч хоорондын аж ахуйн харилцааны дүрмийн 5.7-д тус тус заасныг үндэслэн 2020 оны 10-р сарын 1-нээс эхлэн хугацаандаа төлөөгүй төлбөрт алданги тооцох болсныг албан ёсоор мэдэгдэж байна. |
|
|
Үзсэн: 1648, Сэтгэгдэл: 0 |
ЦАХИЛГААН ЭРЧИМ ХҮЧ ХЭРЭГЛЭГЧДИЙН АНХААРАЛД: ЦДҮС ТӨХК-ийн Хангайн бүсийн салбар 35кВ-ын Хороолол ЦДАШ-ыг тасалж Их засварын ажил хийх тул 2020.09.14-ний 09:00 цагаас 17:00 цагийн хооронд Орхон аймгийн Баян-Өндөр сумын Эрдэнэ, Дэнж, Их залуу, Шанд, Булаг, Рашаант, Наран, Яргуйт, Даваат, Уртын гол, Цагаан чулуут, Баянбулаг багууд болон Булган аймгийн Бугат сумын хэрэглэгчдийг цахилгаан эрчим хүчээр хязгаарлахыг мэдэгдье. ЭБЦТС-ТӨХК Утас:75957008 |
|
|
Үзсэн: 735, Сэтгэгдэл: 0 |
Монгол улсад эрчим хүчний салбар үүсч хөгжсөний 98 жил, Эрдэнэт Булганы цахилгаан түгээх сүлжээ ТӨХК-ийн 40-н жилийн ой, Эрчим хүчний ажилтны баярын өдрийн мэндийг Өргөө гэрийн хийморьт гэрэл гэгээг түгээх их үйлсийн суурийг тавилцсан ахмадууд болон ханыг өндөрлөн бат бөх өрж байгаа нийт ажилтнууддаа дэвшүүлье. Манай хамт олон “Бид найдвартай, чанартай эрчим хүчийг түгээхдээ хэрэглэгчээ хүндэлж, нийгмийн хариуцлагыг эрхэмлэн, аюулгүй ажиллагааг хангаж ажиллана” гэсэн эрхэм зорилгоо биелүүлж, идэвх зүтгэл, үр бүтээлтэй ажиллаж, нийгмийн өмнө хүлээсэн үүргээ биелүүлж, өмнөх жилүүдийн ололт амжилтаа бататган Эрчим хүчний ажилтны баярын өдрөө угтлаа. “Эрдэнэт Булганы цахилгаан түгээх сүлжээ” ТӨХК-ийн 40 жилийн ой, Эрчим хүчний салбарын ажилтны баярын өдрийг тохиолдуулан Монгол Улсын Эрчим хүчний сайдын 2020 оны 07 дугаар сарын 03-ны өдрийн 136 дугаар тушаалаар эрхэлсэн ажилдаа амжилт гарган, үр бүтээлтэй ажиллаж байгаа ажилтнуудыг Эрчим хүчний “Тэргүүний ажилтан”, Эрчим хүчний яамны “Жуух бичиг”-ээр мөн Аймаг, сум орон нутгийн шагналууд болон компанийн “Хүндэт тэмдэг”, Гүйцэтгэх захирлын нэрэмжит нийгмийн дэмжлэг, Сургалтын төлбөрийн дэмжлэгээр нийт 225 ажилтныг шагнаж урамшуулав. Мөн компанийн 40 жилийн ойг тохиолдуулан нийт ажилтнууддаа компанид ажилласан жилээс хамааруулан мөнгөн урамшуулал, бэлэг дурсгалын зүйлийг компанийн Гүйцэтгэх захирал Г.Баярцогт, Түгээх үйл ажиллагаа хариуцсан дэд захирал, Ерөнхий инженер Д.Мөнх-Эрдэнэ, Захиргаа, хүний нөөцийн хэлтсийн дарга Б.Оюунцэцэг, Ерөнхий нягтлан бодогч Б.Наранцэцэг нар ажилтнуудад гардуулан өгч баяр хүргэв. 2020 оны компанийн хөрөнгө оруулалтын төлөвлөгөөний дагуу 25 мотоциклийг сумдын техникч, байцаагч нарт, Өвөрхангай салбарт Приус маркийн автомашиныг албан хэрэгцээнд зориулан хүлээлгэн өглөө. Компанийн өндөр настан 232 ахмадад мөнгөн урамшуулал, гарын бэлэг мөн ахмадын зөвлөлүүдэд мөнгөн дэмжлэг үзүүлэв. Гүйцэтгэх захирал Г.Баярцогт, Захиргаа хүний нөөцийн хэлтсийн дарга Б.Оюунцэцэг, Эдийн засаг хөгжлийн хэлтсийн дарга Г.Эрдэнэчулуун нар 2020 оны 08 дугаар сарын 24-ний өдрөөс 08 дугаар сарын 27-ны өдрүүдэд компанийн Булган, Архангай, Өвөрхангай, Хархорин 4 салбарын ажилтнуудад компанийн түүхт 40 жилийн ойн мэндийг хүргэж, ажилтнуудад шагнал урамшуулал, гарын бэлэг, 25 суманд мотоциклийг хүлээлгэн өгөв. Салбаруудын нийт хамт олондоо цаашдын ажил хөдөлмөрт нь өндрөөс өндөр амжилтыг хүсэн ерөөе. Эрчим хүчний салбарын хөгжилд үнэтэй хувь нэмэр оруулсан ахмадууд, нийт хамт олондоо Компанийн түүхт 40 жилийн ой, Эрчим хүчний ажилтны баярын өдрийн мэндийг хүргэж ажлын өндөр амжилт, аз жаргал, эрүүл энхийг хүсэн ерөөе. |
|
|
|
|
|
« 4-р сар 2024 » |
---|
Да | Мя | Лх | Пү | Ба | Бя | Ня |
---|
1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | |
| |
Хэрэгжиж буй төсөл хөтөлбөр
|
Хэрэглэгчийн цахим систем
|
|
Нийт хандалтын тоо:
1104668
Яг одоо сайтыг
хүн сонирхож байна.
| |
|