“ЭБЦТС ТӨХК-ийн Ашиглалтын хэсэг анх 1981 онд Дэд станцын хэсэг нэртэйгээр үндэс сууриа тавьж байсан бол 2002 оноос копанийн бүтцийн өөрчлөлтөөр одоогийн нэршлээ олжээ.
Ашиглалтын хэсэг нь одоогийн байдлаар Б. Наранбат мастертай, эрчим хүчний салбар болон компанидаа олон жил үр бүтээлтэй ажиллаж байгаа туршлагатай ахмад ажилтан болох З. Батмагнай, Д. Лхагвадорж, Н. Адъяа нар, эдгээрийн залгамж халаа шавь нар нь болох Б.Эрдэнэбулган, З.Ганхуяг, Л.Ганчөдөр, Б.Бадамрагчаа, Ш.Батчулуун, А.Баянмөнх М.Тогтоодулам Б.Анхбаяр нар, мөн ажилдаа дадлагажиж буй залуу инженер техникийн ажилтан Г.Анхбаяр 13 хүний бүрэлдэхүүнтэйгээр ажиллаж байна.
Ашиглалтын хэсэг нь “ЭБЦТС” ТӨХК-ийн Үндсэн тоног төхөөрөмж болох дэд станц, шугам тоноглолын засварын ажлыг чанарын өндөр түвшинд хийж гүйцэтгэн тэдгээрийн зогсолт саатлыг багасгах, найдвартай ажиллагааг дээшлүүлэх арга хэмжээг авч хэрэгжүүлэхийн зэрэгцээ шаардлагатай тохиолдолд бусад хэсэг нэгжүүдэд багаж хэрэгсэл болон ажлын хүн хүчний туслалцааг үзүүлж жигд найдвартай ажиллагааг ханган ажиллаж байна.

ГҮЙЦЭТГЭХ ҮЙЛ АЖИЛЛАГААНЫ ҮНДСЭН ЧИГЛЭЛ:
1. 0.4/6/10/35кВ-ын дэд станц тоноглолууд болон 0,22/0,4/6/10/35/кВ-ын цахилгаан дамжуулах агаарын шугам, кабель шугамын гэмтэл аваар саатлыг богино хугацаанд түргэн шуурхай устгах

2. Компанийн төлөвлөгөөт урсгал засвар болон илэрсэн аваарь саатлыг богино хугацаанд нь техник ашиглалтын зааврын дагуу чанартай гүйцэтгэж, тэдгээрийн хэвийн найдвартай ажиллагааг хангаж үр бүтээлтэй ашиглах

3. Хэсгийн ажиллагсдыг аюулгүй ажиллагааны арга барилд сургах, дадлагажуулах ажлыг зохион байгуулах, ХАБЭА-н талаар гарсан дүрэм, журам, зааврыг мөрдүүлэн ажиллах

4. Хэсгийн үйл ажиллагаатай холбоотой зөрчил доголдол, эвдрэл саатал, осол аваарийг бүртгэн судалж дүгнэлт гарган, давтан гаргахгүй байх, бууруулах, багасгах арга хэмжээг авч хэрэгжүүлэх, зохион байгуулж ажиллах