ЭБЦТС ТӨХК-ийн 35 жилийн ойн хүрээнд компанийн ажил мэргэжлийн уралдааныг 2015 оны 6 сарын 11-12-ны өдрүүдэд Архангай аймгийн төв Цэцэрлэг хотноо амжилттай зохион байгууллаа.
Энэхүү уралдааны зорилго нь Архангайн салбарын ашиглалтын түвшин хамгийн муу байгаа 5 агаарын дэд станцын эрсдэлийг үнэлж, богино хугацаанд, эрсдэлийг бууруулах, салбар хоорондын хамтын ажиллагааг дээшлүүлэх, мэргэжлийн ур чадварыг нэмэгдүүлэх сургалт болоход оршиж байсан юм.
Салбар бүрээс мастер, ажлын удирдагч, ажлын хариуцлагатай гүйцэтгэгч, ашиглалт, засварын монтёр /III групптэй 2, IV групптэй 1 хүн /, реле хамгаалалт автоматикийн IV групптэй 1 хүн, гагнуурчин, пургоны жолооч, краны жолооч зэрэг 10 хүний бүрэлдэхүүнтэй , нийтдээ энэ уралдаанд 50 гаруй хүн оролцлоо.
Энэхүү уралдааны шалгуур үзүүлэлтийг дараахь чиглэлээр шүүгчид дүгнэлээ. Үүнд:
1. Ажил гүйцэтгэхийн өмнө, ажлын үед , ажил дууссаны дараа аюулгүй байдлыг хэрхэн хангаж ажиллаж байгааг,
2. Эрсдэлийг хэрхэн үнэлсэн,
3. Угсралтын үеийн стандарт хэм хэмжээг хэрхэн баримталсан,
4. Шинэ санаа, санаачлага,
5. Ажлын байран дах дэг журам, сахилга бат
зэрэг 5 үзүүлэлт бүхий 45 зүйлээр дүгнэлээ.
Уралдааны дүн:
1-р байр: Булган салбар-1,000,000₮, шилжин явах цом
2-р байр: Хархорин салбар-800,000₮
3-р байр: Эрдэнэт салбар-600,000₮
Тусгай байр: Архангай, Өвөрхангайн салбар тус бүр-300,000₮
Шилдэг ажилтан: салбар тус бүрээс 1 хүний мэргэжлийн зэргийг нэг шатаар ахиулах
Үүнд: Эрдэнэт салбараас ашиглалтын монтёр З.Ганхуяг, Булган салбараас монтёр Сумьяа, Хархорин салбарын гагнуурчин Ш.Базаррагчаа, Архангай салбарын монтёр Б.Даваадорж нарыг
Шилдэг мастер: 1 хүн-100000₮-Булган салбарын мастер М.Алтанхуягийг шагнаж урамшууллаа.
Дүгнэлт
Энэхүү уралдааныг дүгнэж үзэхэд хэдийгээр нэг ижил төрлийн ажил гүйцэтгэсэн боловч салбар бүр өөрийн гэсэн онцлог давуу талтай бас дутагдалтай талууд байгаа нь ажиглагдаж байлаа. Жишээлбэл:
Хархорин салбар: Бусад салбаруудтай харьцуулвал бүтээлч сэтгэлгээ сайтай, шинийг санаачилсан баг байсан.
Булган салбар: Багийн зохион байгуулалт сайтай, мастер ажлаа зохион байгуулж буй арга хэмжээ маш сайн. Ажлын гүйцэтгэл, чанар сайн.
Өвөрхангай салбар: Технологийн карт зохиож ирсэн нь бусад салбаруудаас давуу талтай байсан.
Архангай салбар: Тэмцээнийг амжилттай зохион байгуулсан.
Эрдэнэт салбар: Хөдөлмөрийн аюулгүй байдал, эрүүл ахуйн зохион байгуулалтын арга хэмжээ, нарядын системийн мөрдөлт бусад багуудаас илүү байсан.
Цаашид салбарууд хөдөлмөрийн аюулгүй байдал, эрүүл ахуйн 3 шатны үзлэгийг чанаржуулах, нарядын системийн мөрдөлтийг чанд мөрдөх шаардлагатай байна.